Team: Echelon

TEAM: KNIGHTS

TEAM: KING DEV

پشاور: پشاور ہائیکورٹ نے ایک فیصلے میں قرار دیا ہے کہ دیگر سیاسی جماعتوں کی طرح پاکستان تحریک انصاف کو بھی انتخابی جلسے کرنے کا حق حاصل ہے۔

تفصیلات کے مطابق پشاور ہائیکورٹ نے پی ٹی آئی کی الیکشن مہم کے لیے جلسوں کی اجازت کی درخواست پر فیصلہ جاری کر دیا، تحریری فیصلے میں کہا گیا ہے کہ پی ٹی آئی کو قانون کے تحت جلسوں کی اجازت ہے، یہ قانونی حق استعمال کر کے وہ انتخابی مہم چلا سکتی ہے۔

عدالت نے کہا کہ کسی ایک سیاسی جماعت کو اس کے حق سے دور نہیں کیا جا سکتا، نگراں حکومت شفاف الیکشن کے انعقاد کے لیے اقدامات اٹھائے۔

عدالتی فیصلے میں کہا گیا ہے کہ درخواست گزاروں کو اپنی انتخابی مہم چلانے کی اجازت ہے، تاہم پی ٹی آئی کنونشن یا جلسے کے لیے پہلے انتظامیہ سے اجازت لے، جب کہ انتظامیہ قانون اور الیکشن ایکٹ کے مطابق جلسے کی اجازت دے۔

12 صفحات پر مشتمل فیصلہ جسٹس اعجاز انور نے تحریر کیا ہے۔

لاہور میں فلار ملوں نے 20 کلو آٹے کے تھیلے کی قیمت میں 100 روپے کا اضافہ کردیا۔

تفصیلات کے مطابق ملز مالکان نے 20 کلو آٹے کے تھیلے کی قیمت میں 100 روپے کا اضافہ کر دیا جس کے بعد تھیلے کی قیمت 2650 سے بڑھا کر 2750 کر دی گئی۔

فلار ملز مالکان کا کہنا ہے کہ پنجاب حکومت نے ملوں کو سرکاری گندم کا اجرا نہیں کیا، مارکیٹ میں گندم 4300 سے بڑھ کر 4700 روپے من ہوگئی۔

فلار ملز مالکان کا مزید کہنا ہے کہ حکومت 3500 سے 3900 روپے من کا نوٹیفکیشن جاری نہیں کررہی۔

سعودی عرب میں حرمین شریفین کی دیکھ بھال کی ذمہ دار تنظیم کے سیکرٹری برائے امن و سلامتی فیاض الحارثی کا اپنے جاری کردہ بیان میں کہنا ہے کہ مملکت میں ہونے والی موسلا دھار بارش کے دوران ممکنہ خطرات سے طے شدہ طریقہ کار کے مطابق نمٹا جا رہا ہے۔

بین الاقوامی خبر رساں ادارے کی رپورٹ کے مطابق بارش کے دوران سیکورٹی کے وسائل فراہم کیے جا رہے ہیں۔رین کوٹ، اینٹی سلپ چپل اور پانی کی نکاسی کا سامان فراہم کردیا گیا ہے۔

اپنے بیان میں اُن کا مزید کہنا تھا کہ زائرین کی حفاظت کے لیے بارش کے دوران کسی کو راہداری میں بیٹھنے یا کھڑے ہونے کی اجازت نہیں ہے۔

یاد رہے کہ حرمین شریفین انتظامیہ نے مسجد حرام کی خدمت کرنے والے مختلف سرکاری اداروں کے تعاون سے مسجد حرام میں بارش کے مسائل سے نمٹنے کے لیے ہنگامی اسکیموں پر عمل درآمد شروع کردیا ہے۔

تیز بارشوں کے دوران مطاف، جائے نماز، داخلی راستوں پر پانی کی فوری نکاسی اور فرش خشک کرنے کو یقینی بنایا جا رہا ہے، حرمین شریفین انتظامیہ کی جانب سے کوشش کی جارہی ہے کہ عبادات کے دوران زائرین کی حفاظت کومکمل طورپر یقینی بنایا جائے۔

دوسری جانب مسجد الحرام میں معذور افراد کی سہولت کیلئے غیر معمولی اقدامات اٹھائے جا رہے ہیں، جس کے سبب معذور افراد کو بڑی سہولیات میسر آرہی ہیں۔

صدارت عامہ برائے امور حرمین شریفین نے مسجد حرام میں معذور زائرین، بزرگوں، خواتین اور بچوں کی سہولت کے لئے غیر معمولی اقدامات اٹھائے ہیں۔

مسجد الحرام میں معذور افراد کی نقل وحرکت، ان کی صحت اور عبادات کی ادائی کے لیے انہیں بہترین خدمات فراہم کی گئی ہیں۔

معذور افراد کے لیے مختص ہالوں میں صحت وصفائی کا خصوصی اہتمام کیا جاتا ہے، سہولیات کی فراہمی کے نتیجے میں مسجد حرام کے صحنوں اور نماز کے ہالوں میں معذور زائرین سہولت کے ساتھ عبادت میں مصروف رہتے ہیں۔

TEAM: Phoenix Eagles