حزب اللہ کے سربراہ حسن نصراللہ نے کہا ہے کہ اسرائیل کیخلاف جنگ حق کی جنگ ہے اسرائیل کیخلاف جنگ اخلاقی اور شرعی ہے اس میں بالکل شبہ نہیں۔
لبنان کی عوام سے خطاب کرتے ہوئے حسن نصراللہ نے غزہ کے شہدا کو سلام پیش کرتے ہوئے کہا کہ اسرائیل کےخلاف لڑنےوالے شہدا کو سلام پیش کرتا ہوں اسرائیل کےحملوں میں ہزاروں شہری شہید ہوئےہیں اسرائیل کیخلاف جنگ کرنے والوں کو مبارکباد پیش کرتا ہوں شہدا کبھی مرتے نہیں وہ ہمیشہ زندہ رہتے ہیں ہمیں شہدا کے اہلخانہ کے عزم اور ہمت پرفخر ہے۔
انہوں نے کہا کہ ماؤں بہنوں کی آواز پرہرقربانی کےلیے تیار ہیں شہادت ہماری طاقت ہے جس پر ہمیں فخر ہے ہم نہ جھکیں گے اور نہ کسی کے دباؤ میں آئیں گے فلسطینیوں کےحق میں دنیا بھر میں مظاہروں کو سراہتےہیں اسرائیل کے مظالم گزشہ کئی دہائیوں سے جاری ہیں اسرائیل کی بےوقوف حکومت کیخلاف کوئی بولنےکوتیار نہیں دنیا نے اسرائیلی مظالم پر مجرمانہ طورپرآنکھیں بند کرلی ہیں۔
حزب اللہ سربراہ کا کہنا تھا کہ حماس کا حملہ فلسطین کے چھپے ہوئے دشمنوں کو سامنے لے آیا ہے طوفان الاقصیٰ آپریشن صرف فلسطین اورفلسطینیوں کےلیےتھا آپریشن سے پتا چل گیا کون دوست اور کون دشمن ہے طوفان الاقصیٰ کا شاندار آپریشن بروقت، بہترین اورٹیکنیکل تھا اس آپریشن نے بہت سی چیزوں کو بےنقاب کردیا ہے امریکااسرائیل کی پوری طرح سےمدد کر رہا ہے اسرائیلی فوج کی اپنی طاقت کہاں گئی جو دنیا بھر سےمدد مانگ رہی ہے اسرائیل کیخلاف جنگ حق کی جنگ ہے اسرائیل کیخلاف جنگ اخلاقی اور شرعی ہے اس میں بالکل شبہ نہیں۔
انہوں نے کہا کہ فلسطینیوں کے پاس صرف دو راستے جنگ یا خاموشی تھا ایک راستہ تھا کہ فلسطین خاموش رہ کر ظلم برداشت کرتی رہتی فلسطین کے پاس دوسرا راستہ اپنے حقوق کےلیے لڑنا تھا۔
