اسرائیلی وزیراعظم نے ہٹ دھرمی برقرار رکھتے ہوئے غزہ میں جنگ بندی کا مطالبہ مسترد کر دیا۔
اسرائیلی وزیراعظم نیتن یاہو کا کہنا ہے کہ عالمی مطالبات کے باوجود غزہ میں جنگ بندی نہیں ہو گئی ہمارے یرغمالیوں کی واپسی تک کوئی جنگ بندی نہیں ہوگی۔
رامون ایئربیس پر پائلٹوں سے خطاب کرتے ہوئے انہوں نے کہا کہ دشمنوں اور دوستوں سے کہتے ہیں جنگ جاری رہی گے جب تک شکست نہیں دیتے۔
اسرائیلی وزیر ثقافت امور امیچائی الیاہوں نے غزہ پر ایٹم بم گرانے کی دھمکی دی ہے، اسرائیلی وزیر نے کہا کہ ہوسکتا ہے غزہ خالی کرانے کیلئے ایٹم بم گرادیں گے۔
اسرائیلی وزیر نے کہا کہ فلسطینی عفریت ہیں، آئرلینڈ یا صحراؤں میں چلے جائیں، حماس ہوں یا فلسطینی، زمین پر قبول نہیں کر سکتے۔
اسرائیلی وزیر کے اس بیان نے دنیا بھر میں ہنگامہ برپا کر رکھا ہے جس کے بعد اسرائیلی اپوزیشن نے وزیر کو کابینہ سے نکالنے کا مطالبہ کیا۔
اسرائیلی وزیر کی غزہ پر ایٹمی حملے کی دھمکی پر سعودی عرب نے شدید مذمت کی ہے۔ سعودی وزیرخارجہ کا کہنا ہے کہ ظاہر ہوتا ہےاسرائیلی حکومت میں انتہاپسندی اور بربریت کس حد تک گھس گئی ہے۔
