ویرات کوہلی نے آج اپنی 35 ویں سالگرہ کو 49 ویں سنچری کے ساتھ یادگار بنا لیا، تاہم اہلیہ انوشکا نے بھی انھیں اس موقع پر بھرپور انداز میں مبارکباد پیش کی ہے۔
بالی وڈ اداکارہ انوشکا شرما نے اپنے شوہر اور بھارتی کرکٹر ویرات کوہلی کی سالگرہ پر ان کے لیے جذبات سے مغلوب مزاحیہ پوسٹ شیئر کی جو ان دونوں کے درمیان رومانوی تعلق کو بھی ظاہر کرتا ہے۔
انسٹاگرام پر شیئر کی جانے والی منفرد پوسٹ میں انوشکا نے کوہلی کو مبارکباد دیتے ہوئے ان کی کامیابیوں کا ذکر کیا اور ان کے لڑکپن کی ایک تصویر بھی شیئر کی جو میں کرکٹر بولنگ کرتے ہوئے نظر آرہے ہیں۔
انھوں نے لکھا کہ آپ اپنی زندگی کے ہر کردار میں حقیقی معنوں میں غیرمعمولی ہیں اور آپ اپنے شاہانہ تاج میں مزید پنکھ کا اضافہ کرتے جارہے ہیں۔ میں آپ سے اس زندگی اور اس سے آگے بھی پیار کرتی رہوں گی۔
انوشکا شرما نے انسٹاگرام پر چند پوسٹیں شیئر کی ہیں جس میں سے ایک میں انھوں نے یہ خبر پر بھی دی کہ ویرات ٹی ٹوئنٹی کے واحد بولر ہے جنھوں نے زیرو ڈلیوری پر ایک وکٹ حاصل کی۔
واضح رہے کہ ویرات کوہلی اور انوشکا شرما کی شادی 2017 میں ہوئی تھی اور ان کی ایک بیٹی یامیکا 2021 میں پیدا ہوئی۔ کوہلی نے آئی سی سی کرکٹ ورلڈکپ میں جنوبی افریقہ کے خلاف شاندار اننگز کھیلتے ہوئے کیریئر کی 49 ویں سچنری اسکور کی تھی۔
